გიმნაზია პანსიონი

რეპრესიების შესახებ საზოგადოების ინფორმირება, საკითხის გარშემო მუდმივი საუბარი და განსაკუთრებით ახალგაზრდა თაობაში ინტერესის გაღვივება კიდევ ერთი უმნიშვნელოვანესი გამოწვევაა: 2021 წლის 11 ოქტომბრიდან 15 ოქტომბრის ჩათვლით, #IDFI-ს თანამშრომლებმა, პარტნიორი საერთაშორისო ორგანიზაციის, International Coalition of Sites of Conscience-ისა და შვედეთის საერთაშორისო განვითარების თანამშრომლობის სააგენტოს (Sida) მიერ მხარდაჭერილი პროექტის „ინტერ-რელიგიური ურთიერთგაგება გრაფიკული ხელოვნების საშუალებით“ ფარგლებში, ერთი კვირის მანძილზე ბათუმის წმინდა მატათა მოციქულის სახელობის გიმნაზიის სხვადასხვა ასაკის სკოლის მოსწავლეებთან ჩაატარეს შეხვედრების ციკლი, რომლის დროსაც მათ უყვებოდნენ რეპრესირებულთა ისტორიებს და ერთად განიხილავდნენ ქვეყნის ამ უმძიმეს პერიოდს. ყველაზე მნიშვნელოვანი საკითხი იყო, როგორი მსგავსი ბედის ქვეშ აღმოჩნდა სხვადასხვა რელიგიის, შეხედულების, პროფესიის და ა.შ. ადამიანი საბჭოთა ტოტალიტარული რეჟიმის პირობებში.

სამდღიანი ლექციების შემდეგ გადაწყდა რეპრესიის მსხვერპლთა ისტორიების შესახებ კომიქსების დახატვა.

IDFI მიერ მოწოდებულ ბროშურაში გთავაზობთ რამდენიმე რეპრესირებულის ისტორიასა და ამ ისტორიების მიხედვით გიმნაზიის მოსწავლეების მიერ დახატულ კომიქსებს.